لە کاتێکدا جیهان بە قۆناغێکی نائاسایی لە ئاڵۆزییە جیوپۆلیتیکی و ملمەلانێیە نێودەوڵەتییەکاندا تێدەپەڕێت، وزە چیتر تەنها کاڵایەکی ئابووری نییە کە لە بازاڕە جیهانییەکاندا بفرۆشــــرێت و بکرێت، بەڵکوو بووەتە یەکێک لە گرنگترین ئامرازەکانی هێز و کاریگەری لە سیستەمی نێودەوڵەتی لە سەدەی بیست و یەکەمدا.
ئەو وڵاتانەی ســـــــــــەرچاوەکانی وزەیــــــــان هەیە، یـــــــان کۆنترۆڵی تەکنەلۆجیا و ئامرازەکانی بەرهەمهێنان و گواســـــتنەوەی وزە دەکەن، لە هەمان کاتدا بەشێکی گرنگ لە هێزی سیاسی و ئابووریی خۆشیان لەبەردەستە.
لەگەڵ بەردەوامبوونی شـــــەڕ و ملمەلانێ لە ناوچە جیاوازەکانی جیهان، لە شــــــــــــــــــــەڕی ئۆکرایناوە تاوەکوو ئــــــــــــــاڵۆزی و گرژییەکانی ڕۆژهەڵاتی ناوەڕاست، پرسیارێکی ســـەرەکی لەبارەی داهاتووی هێزی وزەوە دروست دەبێت: ئایا وڵاتان هێشـــــتا دەبێت پشت بە نەوت و گاز ببەستن وەک ســـــــــەرچاوەیەکی سەرەکیی نفووز و کاریگەری، یـاـــــــــن کاتی ئەوە هاتووە کە بە ئاراســـــــــــــتەی وزەی ناوکی بڕۆن؟